Serivisi y’uturemangingo ndangasano (DNA)
Iyi serivisi ikoresha uturemangingo ndangasano (DNA) mu gusesengura ibimenyetso hagamijwe kugenzura isano y’amaraso (kinship), no gusesengura ibimenyetso bikomoka ku muntu cyangwa ku bindi binyabuzima.
Serivisi zo gupima udukoko n’utunyabuzima duto
Iyi servisi isuzuma utunyabuzima duto (microorganisms), ibimenyetso bishobora guteza ibyago ku buzima, n’ibindi bimenyetso bifitanye isano n’ubugenzacyaha cyangwa umutekano w’abaturage. Ifasha mu iperereza rijyanye n’utunyabuzima dushobora guteza indwara, ibibazo byanduye, n’izindi manza zisaba ubumenyi bwihariye muri forensic microbiology… Soma ibikurikira
Serivisi yo gupima Ibiyobyabwenge n’ibinyabutabire
Iyi serivisi yibanda ku kumenya no gusuzuma ibimenyetso bigizwe n’ibiyobyabwenge imiti itazwi, ibinyabutabire n’ibindi bikoresho bifite imiterere y’imiti cyangwa bifitanye isano n’iperereza no kubahiriza amategeko. Ifasha mu kumenya ubwoko, imiterere n’ingaruka by’ibi bikoresho mu rwego rw’iperereza n’igenzura ry’amategeko.
Serivisi yo gupima uburozi n’ingano ya alukoro
Iyi serivisi ikoresha uburyo bwa siyansi mu gushakisha no gusesengura uburozi, inzoga n’ibindi binyabutabire by’uburozi nk’amaraso, inkari, ibiri mu gifu, amacandwe n’ibindi. Ifasha mu iperereza n’ubutabera hifashishijwe isesengura ryizewe ry’ibi bimenyetso.
Serivisi yo gupima ibimenyetso by’ibyaha byakozwe hifashishijwe ikoranabuhanga
By’ikoranabuhanga bifitanye isano n’ibyaha bikorerwa kuri murandasi cyangwa bifashisha ikoranabuhanga. Intego ni gukusanya ibimenyetso bishobora kwifashishwa mu nkiko hagamijwe gukurikirana no gutanga ubutabera.
Aka gashami gashinzwe kumenya, kubika neza, gukura amakuru no gusesengura ibikoresho bya by’ikoranabuhanga bifitanye isano n’ibyaha bikoresheje ikoranabuhanga, kugira ngo hakusanywe ibimenyetsobyifashishwa mu rukiko mu rwego rw’iperereza.
Ibimenyetso by’imbunda n’ibimenyetso bifatika (Ballistics and Physical Service)
Iyi serivisi ikora isesengura ry’imbunda n’ibindi bimenyetso bifatika. Igamije kumenya niba isasu cyangwa igice cy’amasasu cyagaragajwe cyarasohowe n’imbunda ikekwa, ndetse no kumenya ubwoko n’ingano (caliber) by’imbunda ishobora kuba yarakoreshejwe mu kurasa.
Iri shami rikora ibizamini bitandukanye ku mbunda, harimo kugenzura amasasu n’ibice by’amasasu (cartridge cases), kugereranya ibimenyetso byabyo n’imbunda zikekwa, no gusesengura ibindi bimenyetso bifatika bifasha mu iperereza ry’ibyaha bikoresheje imbunda.
Serivisi y’Inyandiko zikemangwa n’Ibikumwe
Iyi serivisi ikora isesengura ry’inyandiko zikemangwa harimo ibimenyetso by’impimbano nk’amafaranga y’amabanki, pasiporo, viza, sheki z’abagenzi n’impushya zo gutwara ibinyabiziga.
Ifasha mu kugenzura ukuri kw’izi nyandiko no kumenya niba zarahinduwe, zariganyijwe cyangwa zarakozwe mu buryo bunyuranyije n’amategeko, hifashishijwe isesengura ry’ubuhanga ku bimenyetso bitandukanye biri ku nyandiko n’ibikumwe.
Serivisi ipima imibiri y’abapfuye n’abakomeretse
RFI itanga serivisi zo gupima imibiri y’abapfuye ikaba rikoreshwa nk’ibimenyetso byunganira ibindi mu manza (circumstantial evidence).
Iyi serivisi ifasha mu gusobanura ku bimenyetso bifitanye isano n’imibiri y’abantu, bikifashishwa mu iperereza no mu nkiko mu rwego rwo gufasha gutanga ubutabera